اسلام آباد۔5دسمبر (اے پی پی) وفاقی وزیر اطلاعات تے نشریات سینیٹر شبلی فراز آکھیا جو عوام کوں عوامی اداریاں نال جوڑݨ آلا پاکستان سٹیزن پورٹل قوم سانڳے وزیراعظم عمران خان دا ہک تحفہ اے۔دفتراں دے چکر لاتے بغیر کوئی وی شہری آپݨا مسئلہ معتلقہ محکمے نال چاسڳدے۔ ہفتے کوں آپݨے ٹویٹ اچ انہاں آکھیا جو عمران خان شفافیت اتے شکایت دے ازالے سانڳے رسائی ݙے کراہیں لوکاں دے دل جت ڳھدن۔ عوام کوں طاقتور اتے بااختیار بݨاوݨ وزیراعظم عمران خان دا نصب العین اے۔ انہاں آکھیا جو تاریخ اچ پہلی واری ہک لکھ 70 ہزار باہرلے ملک رہوݨ آلے پاکستانی پورٹل تے رجسٹرڈ ہن۔ وزیراعظم خود درخواستاں اتے شکایتاں دے ازالے دے عمل دی نگرانی کریندن۔
