اسلام آباد۔19دسمبر(اے پی پی)وفاقی وزیر برائے صنعت و پیداوار حماد اظہر آکھیے جو ن لیگ دے “دانشوراں” معیشت کوں ݙیوالہ کرݨ تے چھوڑ ݙتا ہا، ریکارڈ خسارے،خالی زرمبادلہ، مہانگے بجلی/گیس دے سودے، فیٹف گرے لسٹ اِنہاں دے وݙے کارنامے ہین۔ ہک ٹویٹ اچ انہاں آکھیا جو عالمی ادارے اڄ ساݙی معیشت کوں اپ گریڈ کر چکین، پاکستان دی معیشت کرونا دے باوجود مثبت شرح ݙکھائی اے، عالمی ادارہ صحت اتے وڑلڈ اکنامک فورم پاکستان دی تعریف کریندن، خارجی معاملات اچ وی پاکستان دا ناں پہلے توں ودھ وقاتر نال سامݨے آندا پئے۔ انہاں آکھیا جو کڄھ لوک ملک کوں ولا اداریاں نال جنگ اتے کرپشن دو دھکا ݙیوݨ چاہندن بھل انہاں کوں مایوسی ہی تھیوݨی اے۔
