سیالکوٹ۔9دسمبر (اے پی پی):وزیراعظم عمران خان سیالکوٹ اچ پنجاب انٹرمیڈیٹ سٹیز امپروومنٹ انویسٹمنٹ پروگرام دے تحت 17 ارب دے ترقیاتی منصوبیں اتے یونیورسٹی آف اپلائیڈ انجینئرنگ اینڈ ٹیکنالوجی دا منڈھ ٻدھ ݙتا ۔بدھ کوں وزیراعظم آفس دے میڈیا ونگ توں جاری بیان موجب سیالکوٹ اچ صاف پاݨی دی سپلائی، جدید سالڈ ویسٹ مشینری اتے سیوریج دے وݙے منصوبے اتے تفریحی پارکس دی بحالی شامل اے۔ شہر اچ صاف پاݨی دی فراہمی دے منصوبے دے تحت پراݨی پائپ لائنز دی تبدیلی، نویں ٹیوب ویلز دی تنصیب، فلٹریشن پلانٹس، اوور ہیڈ ٹینک اتے پراݨے ٹیوب ویلز دی مرمت و بحالی شامل ہن۔ واٹر سپلائی پراجیکٹ دا منصوبہ 2022ءاچ مکمل تھیسی اتے 2044ءتئیں 322,000 لوکاں کوں صاف پاݨی ݙیوݨ دی صلاحیت رکھیندے ۔ نویں سیوریج پائپ لائنز دے نال واٹر ٹریٹمنٹ پلانٹ توں گندے پاݨی کوں صاف کرتے آبپاشی کیتے قابل استعمال بݨاوݨ دے منصوبے شامل ہن۔ وزیرِاعظم عمران خان 14 ارب دی لاگت نال سیالکوٹ یونیورسٹی آف اپلائیڈ انجینئرنگ اینڈ ٹیکنالوجی دا سنگ بنیاد وی رکھیا۔ یونیورسٹی ست سال دی مدت اچ مکمل تھیسی تے چین، آسٹریلیا اتے اٹلی دیاں یونیورسٹیاں نال منسلک ہوسی۔ یونیورسٹی نینگراں کوں بین الاقوامی معیار دے عین مطابق اتے مقامی صنعت اچ کھپت کیتے مختلف انجینئرنگ دے شعبیں اچ تعلیم ݙیسی ۔
