وفاقی وزیر  اسد عمر دی زیر صدارت  گریٹر کراچی واٹر سپلائی پراجیکٹ  دی پیشرفت بارے  اجلاس

 

اسلام آباد۔3دسمبر (اے پی پی):وفاقی وزیر منصوبہ بندی  ترقی اتے خصوصی اقدامات اسد عمر دی زیر صدارت  گریٹر کراچی واٹر سپلائی پراجیکٹ (K-IV)اچ پیشرفت تے ڳالھ مھاڑ کرݨ کیتے اجلاس منعقد کیتا ڳیا ۔خمیس کوں تھیوݨ آلے اجلاس اچ ایم این اے نجیب ہارون ، چیئرمین واپڈا ، چیئرمین ، پی اینڈ ڈی حکومت سندھ ، وزارت آبی وسائل اتے سینئر عہدیداراں شرکت کیتی۔چیئرمین واپڈا منصوبے دی فزیکل اتے مالی پیشرفت ، منصوبے نال وابستہ امور اتے منصوبیں تے عمل درآمد کیتے ضروری فیصلیں سودھے تفصیلی انتظامات متعلق اجلاس کوں ݙسایا ۔  فیصلہ کیتا ڳے جو ایکسیکیوشن ایجنسی دی تبدیلی دی سمری ایکنیک کوں بھیجی ویسی تاں جو واپڈا باضابطہ طور تے ایں پروجیکٹ کوں سنبھال سڳے۔مزید میٹنگ اچ واپڈا کوں تکنیکی معاملات تے نظرثانی کرݨ تے حتمی فیصضے کیتے اگوں ودھاوݨ کیتے وختی توں وختی کہیں مشیر/ کنسلٹنٹ دی خدمات حاصل کرݨ دی ہدایات کیتیاں ڳئن جیں تے نظر ثانی شدہ پی سی ون ہوسی۔