لاہور۔5دسمبر (اے پی پی):وزیر اعظم دے معاون خصوصی برائے صحت ڈاکٹر فیصل سلطان آکھیا جو وفاقی کابینہ کورونا ویکسین گھنݨ سانڳے پندرہ کروڑ ڈالر دی منظوری ݙتی اے، کورونا انجکشن دے نرخ اچ ڳھٹکی کیتی ڳئی اے اتے 2021 دے پہلے چھی مہینیاں اچ ویکیسن ملݨ دی توقع اے، ویکسین ساریاں توں پہلے کورونا ہیلتھ ورکرز کوں ݙتی ویسی۔ اے ڳالھیں انہاں ریڈیو کلینک اچ ڳالھ مہاڑ کریندیں ہوئیں آکھی۔ پروگرام اچ اسسٹنٹ پروفیسر سرجری کنگ ایڈورڈ میڈیکل یونیورسٹی اتے پاکستان میڈیکل ایسوسی ایشن پنجاب دے جنرل سیکرٹری ڈاکٹر رانا سہیل وی شرکت کیتی۔
