اسلام آباد۔4دسمبر (اے پی پی):وزیراعظم عمران خان آکھیے جو پاکستان سٹیزن پورٹل مدینہ دی ریاست دے پاسے اہم قدم اے ،ایندے نال اداریں ،بیورکریسی اتے وزراء دی کارکردگی جانچݨ اچ مدد ملدی پئی اے ،مقامی حکومتاں دے نویں نظام نال انقلاب آسی تے عوام دے مسئلے انھاں دے آپݨے شہر اچ حل تھیسن ، عوام توں اپیل اے جو اواپݨے آپ کوں بااختیار بݨاوݨ کیتے ایں پورٹل دا ودھ توں ودھ استعمال کرن ۔جمعے کوں پاکستان سیٹزن پورٹل دی ݙو سالہ کار کردگی دے حوالے نال خصوصی تقریب توں خطاب کریندے ہوئیں وزیراعظم عمران خان آکھیے جو پاکستان سیٹیزن پورٹل دی ٹیم جیں عزم نال اے یونٹ چلائے او مبارخ باد دے مستحق ہم۔ پورٹل توں عوام کوں با اختیار بݨاوݨ دے حوالے نال ہک نویں سوچ پروان چڑھی۔وزیر اعظم آکھیے جو بدقسمتی رہی اے جو جیں ویلھے آزادی ملی تاں تاں ایندے توں پہلے اتھاں حکومت کرݨ آلیں وانگوں اساݙے کمراناں دی ذہنیت وی نی بدلی۔ او اے سمجھدے رہیے جو انگریز دی جاہ تے انھاں ڳھن ڳھدی اے ۔انگریز ݙوجھے ملکاں توں اتھاں آکراہیں غلاماں تے حکومت کریندا پیا ہئی اپݨے ملک دے شہریاں دے نال ایندا رویہ تے جݙاں جو اتھاں مختلف ہئی ۔وزیراعظم آکھیے جو انگریز دے اپݨے شہری بااختیار اتے ٹیکس ݙیوݨ آضے ہن ایں کیتے انھاں کوں ٻئے طرز دے رویے دا ساماݨ ہئی ۔ وزیراعظم آکھیے جوپاکستان سٹیزن پورٹل دا قیام مدینہ دی ریاست دے سفر دا اہم قدم ھے ۔مدینہ دی ریاست دنیا دی تاریخ اچ او پہلی فلاحی ریاست ہئی جتھاں کمزور،یتیم اتے ضعیف ساریں دی ذمے واری ریاست ڳھدی ۔ بادشاہت اچ اینویں کائناں تھیندا ہئی دا رجحان رہیا کیوں جو لوکاں توں حکمراناں ووٹ گھنݨے ہوندن ،پاکستان اچ وی جمہوریت دی وجہ توں تبدیلی آئی اے،اے حکومت دی ذمہ واری اے۔ انھاں دے کم کرݨ وی حکومت دی ذمے واری اے ۔وزیراعظم آکھیے جو پاکستان اچ ہݨ تئیں 30لکھ لوکاں استعمال کیتے ایندے اچ اساکوں اے پتہ لڳدے جو کیڑھی حکومت یا ادارے دے خلاف کتنیاں شکایتاں ہن ۔وزیراعظم آکھیے جو سارے مسئلے مقامی حکومتاں دی ناکامی دی وجہ توں ہن اساں جیڑھا مقامی حکومتاں دا نظام گھن آندے پیوں ایندے نال انقلاب آسی ۔وستی دے لوک آپدے نمائندے خود چݨسن اڳوں تے وی بینڈ براہ راست انھاں کول آسن دنیا اچ شہری مسئلے حکومتاں حل کریندن کراچی پشاور سودھے وݙے شہراں اچ براہ راست انتخابات تھیسن تے اپݨی حکومتاں بݨسن ،انھاں دے مسئلے انھاں دے آپدے شہراں اچ ہی حل تھیسن ،تارکین وطن پاکستان دا اثاثہ ہن ،انھاں دی اوکھ تے مسئلے سیٹیزن پورٹل دے ذریعے حل تھیندے پن ۔انھاں اوور سیز پاکستانیاں کوں آکھیے جو او سٹیزن پورٹل دا استعمال ودھ توں ودھ کرن ۔وزیراعظم آکھیے جو پنجاب اتے سندھ اچ خاص طور تے تھاݨے دار اتے اے سی ولوں پیسے گھن تے کم کرݨ دا مسئلہ ہے ،اگر اے لوک ہیں شہری توں رشوت منڳدن تاں او فورا سیٹیزن پورٹل تے شکایت کرے انھاں دی جواب طلبی اساݙا کم اے ایندے نال عوام بے وس کائناں تھیسی ۔وزیر اعظم آکھیے جو مزید لوک سٹیزن پورٹل دا استعمال کرن،ایندے تے حکومت دے ہݨ تئیں کوئی فنڈز نہ لڳیے ،اینکوں مزید باختیار اتے مضبوط بݨیسوں ۔وزیراعظم آکھیے جو بطور وزیراعظم ایں سسٹم توں میکوں اے ڄاڑݨ وچ سوکھ تھیسی کیڑھا ادارہ یا وزارت کم کریندی پئی اے ،کیڑھا بیوروکریٹ یا وزیر کم کریندے ایندے نال جزا و سزا دا نظام وی سوکھا تھیسی اتے اساں احتساب کرسڳسوں۔انھاں دی ترقی تے انھاں دے خلاف کاروائی اچ سوکھ تھیسی ۔وزیراعظم آکھیے جیں افسر دی کاکردگی ٹھیک نہ ہوسی اینکوں ݙوجھی جاہ تعیناتی دی بجائے فارغ کیتا ویسی ۔ وزیراعظم آکھیے جو سٹیزن پورٹل توں عوام دے اختیارات ودھسن تے انھاں دی آواز سݨی ویسی ۔ایندے توں پہلے وزیر اعظم کوں پاکستان سٹیزن پورٹل دی ݙو سالہ کارکردگی دے حوالے نال بریفنگ ݙتی ڳی ۔سینیٹر فیصل جاوید نظامت دے فرائض سرانجام ݙتے۔
