اسلام آباد۔5دسمبر(اے پی پی) ڈپٹی اسپیکر قومی اسمبلی قاسم خان سوری ہفتہ کوں روجھان جمالی آئے جتھاں انہاں سابق وزیراعظم میر ظفر اللہ خان جمالی مرحوم دے ٹٻر نال تعزیت کیتی۔ انہاں مرحوم دی مغفرت، بلند درجات اتے انہاں سے ٹٻر سانڳے صٻر دی دعا کیتی۔سابق وزیراعظم دے ٹٻر نال ڳالھ مہاڑ کریندیں ہوئیں ڈپٹی اسپیکر قومی اسمبلی آکھیا جو او میر ظفر اللہ خان جمالی دی وفات تے ݙکھ اچ ہن، جمالی صاحب دی سنجاݨ ہک سنجیدہ اتے منجھے ہوئے سیاست دان دی رہی اے، ڈپٹی اسپیکر قومی اسمبلی دے رلے پاکستان تحریکِ انصاف بلوچستان دے سینیئر رہنماء ڈاکٹر منیر بلوچ، سردار خادم حسین وردگ باری، لیاقت لہڑی، داؤد پانیزئی، گودا خان، حاجی گل خان اچکزئی، اکرم ترین، باچا آغا اتے ٻئے شامل ہن۔
