اقوام متحدہ۔1دسمبر (اے پی پی):اقوام متحدہ دی ہک سالانہ رپورٹ موجب کورونا وائرس دی عالمی وبا دی وجہ توں پاری دنیا اچ اڳلے سال تقریباﹰ 2 سو 35ملین ٻالاں ، تریمتاں تے مرداں کوں ہنگامی بنیاداں تے امداد دی لوڑھ ہوسی ۔اے ڳالھ عالمی ادارے دی انسانی بنیاداں تے امداد متعلق سالانہ رپورٹ وچ آکھی ڳی اے ۔ اقوام متحدہ دے ہنگامی انسانی بنیاداں تے امداد دے کوآرڈینیٹر مارک لوکوک جنیوا اچ اے رپورٹ پیش کریندے ہویئں آکھیے جو کورونا وائرس دی عالمی وبا پاروں تقریباﹰ ساݙھے 23 کروڑ انسان شدید نوعیت دے مسئلیں دا شکار تھی ڳن ۔
