اسلام آباد۔22جنوری  (اے پی پی):پاک بحریہ دے سربراہ ایڈمرل محمد امجد خان نیازی سعودی عرب دے سرکاری دورہ دے دوران سعودی عرب دے چیف آف جنرل سٹاف اتے کمانڈر رائل سعودی نیول فورسز ںال انجھ انجھ ملاقاتاں کیتیاں ۔ ترجمان پاک بحریہ موجب ریاض اچ رائل سعودی نیول فورسز دے ہیڈ کوارٹرز آمد تے کمانڈر رائل سعودی نیول فورسز وائس ایڈمرل فہد بن عبداللہ الغفیلی سربراہ پاک بحریہ دا استقبال کیتا۔ ایڈمرل محمد امجد خان نیازی کوں رائل سعودی نیول فورسز ہیڈکوارٹرز آمد تے روایتی گارڈ آف آنر پیش کیتا ڳیا۔ ایں موقع تے امیر البحر کوں رائل سعودی نیول فورسز اتے ایندے جاری جاری آپریشنز متعلق بریفنگ ݙتی ڳئی ۔ نیول چیف رائل سعودی نیول فورسز دے کمانڈ اینڈ کنٹرول سینٹر دا وی دورہ کیتا ۔ ملاقاتاں وچ سانجھی دلچسپی دے امور بشمول بحری تعاون دے ودھارے تے ڳالھ مہاڑ کیتی ڳئی ۔ملاقاتاں اچ رائل سعودی نیول فورسز دی صلاحیت اچ ودھارے تے عسکری تربیت کیتے پاک بحریہ دے کردار دی تعریف کیتی ڳئی ۔ سعودی حکام ݙوہیں ملکاں دے بھرپی آلے تعلقات دی تعریف کیتی تے علاقے اچ امن و استحکام دے سلسلے اچ کیتے ونڄݨ آلے پاک بحریہ دے اقدامات دی تعریف کیتی ، نیول چیف دا دورہ ݙوہیں ملکاں خاص طور تے بحری فوج اچ تعلقات کوں مزید ودھارا ݙیسی ۔