نیویارک۔21جنوری (اے پی پی):پاکستان اقوام متحدہ دے سیکرٹری جنرل انتونیو گوتریش تے زور ݙتے جو او نئی دہلی دی تہاڑ جیل اچ قید بیمار جموں کشمیر لبریشن فرنٹ دے چیئرمین محمد یاسین ملک دی رہائی کیتے بھارت تے دباؤ پاوے تے آپ دا اثرورسوخ استعمال کرن ۔ اقوام متحدہ اچ پاکستان دے مستقل مندوب منیر اکرم گزریل ݙینھ اقوام متحدہ دے سیکرٹری جنرل دے ناں جاری خط اچ حریت رہنما یاسین ملک دی ذال مشعال ملک دی اپݨے گھر آلے دی رہائی دی اپیل وی منسلک کریندے ہوئیں آکھیے جو مناسب عمل اتے حفاظتی اقدامات دے بغیر بھارت دے ظالمانہ قبضے، طاقتاں، قوانین اتے طریقہ کاراچ زندگی گزارݨ تے بھارتی قبضے دے خلاف مزاحمت کرݨ آلے کشمیریاں اتے سیاسی رہنماواں تے بھارتی ظلم انہاں دے بنیادی انسانی حقوق دیاں سنگین خلاف ورزیاں ہن۔
