اسلام آباد۔18جنوری (اے پی پی):وفاقی وزیر اطلاعات تے نشریات سینیٹر شبلی فراز آکھیے جو وزیراعظم عمران خان براڈ شیٹ معاملے تے ترائے رکنی کابینہ کمیٹی تشکیل ݙتی اے ،کمیٹی 48گھنٹے اچ براڈ شیٹ بارے اپݨی سفارشات پیش کریسی۔ سنوار کوں وفاقی وزیر سینیٹر شبلی فراز اپݨے ٹویٹ اچ آکھیے جو 3رکنی کابینہ کمیٹی دا کنوینئر میں خود جݙاں جو وفاقی وزیر سائنس اینڈ ٹیکنالوجی چوہدری فواد حسین اتے وفاقی وزیر انسانی حقوق شیریں مزاری کمیٹی اچ شامل ہن۔ انہاں آکھیے جو کمیٹی کابینہ کوں 48 گھنٹے اچ براڈشیٹ معاملے تے سفارشات پیش کریسی ،ایں معاملے اچ فیدہ ݙیوݨ آلے تے فیدہ چاوݨ آلے سارے لوکاں دے خلاف کاروائی تھیسی ۔
