قومی  اشتہارات پالیسی اچ میڈیا ورکرز دے مفاد کوں محفوظ بݨیدے پیئوں، وزیر اطلاعات سینیٹر شبلی فراز دا سینیٹ قائمہ کمیٹی  دے اجلاس نال خطاب

اسلام آباد۔27جنوری(اے پی پی)وفاقی وزیراطلاعات و نشریات سینیٹر شبلی فراز آکھیے جو اظہار رائے تے کوئی پابندی کائنی ،کڄھ چینلز اتے اخبار خاص ایجنڈے تے کم کریندے پئن، کݙاھیں وی کہیں چینل یا اخبارکوں اشتہارات روکݨ دا حکم نئیں ݙتا،او ادارے جیڑھے حکومت تے تنقید کریندن انہاں کوں وی اشتہارات ݙتے گئن، پی ٹی آئی حکومت روایتی حکومت کائنی۔ نوی پارٹی نوی سوچ نال حکومت چلیندی پئی اے۔ او ایوان بالا دی قائمہ کمیٹی اطلاعات و نشریات دے اجلاس نال خطاب کریندے پئے ہن ۔ایوان بالادی قائمہ کمیٹی اطلاعات ونشریات دے اجلاس دی اڳواݨ کمیٹی چیئرمین سینیٹر فیصل جاوید دی کیتی۔ قائمہ کمیٹی اجلاس اچ وزارت اطلاعات ونشریات قومی اشتہاراں دی پالیسی تے بریفنگ ݙتی۔ کمیٹی پی ٹی وی سپورٹس دے کم دے طریقہ کار اتے مستقبل اچ نشریات و پروگرام اچ بہتری دی منصوبہ بندی دے معاملات دا تفصیل نال جائزہ ڳھدے ۔