وزیراعظم عمران خان دی صدارت اچ پنجاب پولیس اچ اصلاحات اتے کارکردگی بارے اجلاس

لاہور۔15جنوری (اے پی پی) وزیراعظم عمران خان آکھیا جو کوئی وی قانون توں اُتے کائنی، پولیس کہیں سیاسی اثر و رسوخ کوں نہ ݙیکھے، انصاف ݙیوݨ دے رستے اچ آوݨ آلے اہلکاراں کوں سزا ݙتی ونڄے، عوام دے مسئلیاں دے حل سانڳے صرف میرٹ تے عمل کیتا ونڄے۔ اے ڳالھیں انہاں جمعے کوں پنجاب پولیس اچ اصلاحات اتے کارکردگی بارے اجلاس دی صدارت کریندیں ہوئیں آکھی۔ آئی جی پنجاب انعام غنی وزیراعظم کوں پنجاب پولیس دی کارکردگی اچ بہتری گھن آوݨ سانڳے کیتی ڳئی اصلاحات اتے کماں تے بریفنگ ݙتی۔ وزیراعظم عمران خان آئی جی پنجاب کوں ہدایت کیتی جو عوام دی جان تے مال دے تحفظ کوں یقینی بݨاوݨ سانڳے سارے وسائل لاتے ونڄن۔ اجلاس اچ وزیر اعلی پنجاب سردار عثمان بزدار اتے وزیر اعظم دے معاون خصوصی شہزاد اکبروی موجود ہن۔