اسلام آباد۔28دسمبر (اے پی پی):وزیرِ اعظم عمران خان نال وزیرِ اعلی گلگت بلتستان خورشید خالد سنوار کوں اتھاں ملاقات کیتی۔ ملاقات اچ گلگت بلتستان اچ سیاحت دی ترقی و فروغ، ایں صنعت اچ مقامی لوکاں کیتے ودھ توں ودھ روزگار دے مواقع دی فراہمی، ماحول دوست سیاحت تے خصوصی توجہ، گلیشئیر اتے جنگلات دی حفاظت تے تفصیلی ڳالھ مہاڑ کیتی ڳی وزیراعظم آفس دے میڈیا ونگ موجب وزیرِ اعظم آکھیے جو پاکستان دے شمالی علاقہ جات اتے خاص طور تے گلگت بلتستان سیاحت دے حوالے نال دنیا اچ خوبصورت اتے موزوں ترین علاقے ہن جیڑھے جو قدرتی حسن توں مالامال ہن تے جدید سہولتاں ݙے تے انہاں توں فائدہ چاتا ونڄ سڳدے ۔وزیرِ اعلیٰ وزیر اعظم کوں ایں ضمن اچ گلگت بلتستان حکومت دی طرفوں فروری اچ منعقد تھیوݨ آلے سکیئنگ دے مقابلیں بارے وی ݙسایا ۔ ملاقات اچ گلگت اچ معدنیات دے ذخائر توں بھر پور فائدہ چاوݨ سانگے کیتے ڳئے اقدامات اتے مقامی لوکاں کیتے ترقیاتی منصوبے تے وی گالھ مہاڑ تھئی ۔
