وفاقی وزیر اطلاعات سینیٹر شبلی فراز دی صدر ایبٹ آباد پریس کلب محمد عامر شہزاد جدون دی سربراہی اچ صحافیاں دے وفد نال ڳالھ مہاڑ

 

ایبٹ آباد۔23جنوری  (اے پی پی):وفاقی وزیر اطلاعات و نشریات سینیٹر شبلی فراز آکھیے جو صحافیاں دی فلاح وبہبود، علاج معالجہ دی سہولتاں تے پیش آندے مسئلیں دے حل کیتے جرنلسٹس پروٹیکشن بل دی اسمبلی توں منظوری وختی حاصل کریسن، علاقائی زباناں دی ترویج اچ ہندکو کوں ریڈیو دی نشریات اچ رلا وݨ سودھے ایسوسی ایٹڈ پریس آف پاکستان (اے پی پی) دا ہندکو شعبہ وی قائم کریسن ، پی ٹی وی بیورو اتے ریڈیو پاکستان دے ملازمین کوں ایبٹ آباد اچ بحال کریسوں ۔ او گزریل ݙینھ اسلام آباد اچ صدر ایبٹ آباد پریس کلب محمد عامر شہزاد جدون دی سربراہی اچ ملݨ آلے صحافیاں نال ڳالھ مہاڑ کریندے پئے ہن ۔ ایں موقع تےرکن قومی اسمبلی علی خان جدون، پی آئی او پی آئی ڈی، ایبٹ آباد پریس کلب دے ممبران طارق تنولی، عبدالواسع خان، ہارون تنولی، ارشد سواتی، سید کمال حسین شاہ اتے مطیع الرحمن تنولی وی موجودہن۔