وفاقی وزیر تعلیم ، پیشہ وارانہ تربیت ، قومی ورثہ و ثقافت شفقت محمود دی صدارت اچ ادارہ جاتی اصلاحات متعلق کابینہ کمیٹی دا اجلاس

 

اسلام آباد۔22جنوری  (اے پی پی):وفاقی وزیر تعلیم ، پیشہ وارانہ تربیت ، قومی ورثہ اتے ثقافت شفقت محمود دی صدارت اچ ادارہ جاتی اصلاحات متعلق کابینہ کمیٹی دا اجلاس منعقد تھیا۔ کمیٹی پاکستان ریلوے دے نویں سروں تنظیم منصوبے تے پیشرفت دا جائزہ ڳھدا۔ سیکرٹری پاکستان ریلوے حبیب الرحمٰن گیلانی گورنمنٹ اصلاحات، آپریشنل اصلاحات،مالی اصلاحات ، آٹومیشن اصلاحات اتے انسانی وسائل اتے پاکستان ریلوے اچ صلاحیت دی تعمیر متعلق کمیٹی کوں ݙسایا ۔ کمیٹی دے چیئرمین محمود کراچی توں پشاور تئیں پاکستان ریلوے دی زمین تے تجاوزات تے اپݨے شدید تحفظات دا اظہار کیتا۔ انہاں آکھیے جو لوکاں ریلوے دی زمین تے آپݨی آبادیاں قائم کر رکھئن ، بجلی اتے گیس جیہاں سہولتاں لاتیاں ڳئن ، ریلوے دی زمین تے لنک سڑکاں تے سڑکاں تیار کیتیاں ویندیاں پئن ۔ انہاں مزید آکھیے جو جے ایں مسئلے کوں وختی حل نہ کیتا ڳیا تاں اے پاکستان ریلوے دے پورے ایم ایل ون میگا پراجیکٹ کوں خطرے اچ پاسڳدے ۔ کمیٹی تجاوزات دے معاملے کوں ترجیحی بنیاداں تے نمٹاوݨ کیتے پاکستان ریلوے کوں کنسلٹنٹس دی خدمات حاصل کرݨ تے ہک انجھ ڈائریکٹوریٹ آف پاکستان ریلوے قائم کرݨ دی تجویز ݙتی اے ۔