اسلام آباد۔6جنوری(اے پی پی)وزیر خارجہ شاہ محمود قریشی آکھیے جو پاکستان، افریقی ممالک نال اپݨے تعلقات کوں ٻہوں اہمیت ݙیندے،”انگیج افریقہ پالیسی” دے تحت وزیر خارجہ مخدوم شاہ محمود قریشی دی زیر صدارت معاشی سفارت کاری دا تریجھا اجلاس تھئے جیندے اچ افریقہ اچ پاکستان دے چوݙاں پاکستانی سفارت خانوں دے سربراہان /سفراء ورچول شرکت کیتی۔ سفیتاں اجلاس اچ معاشی سفارت کاری دے تحت وزارت خارجہ دے اہداف کیتے کوششاں بارے ݙسایا۔ وزیر خارجہ آکھیے جو معاشی سفارتکاری کثیر الجہتی جامع عمل اے جیندے اچ تجارت دے نال نال سرمایہ کاری، خدمات، سیاحت، ٹیکنالوجی دا تبادلہ اتے ٻئے شعبیاں اچ تعاون ودھاوݨ شامل اے، پاکستان، مدت توں افریقی ممالک اچ امن کیتے اقوام متحدہ پیس کیپنگ آپریشنز اچ بہترین کردارادا کریندا پئے، پاکستان افریقہ نال سفارتی روابط تیزی نال ودھائن اتے وزیر اعظم عمران خان دی سوچ دے مطابق وزارت خارجہ اچ پہلی انگیج افریقہ کانفرنس سودھا نیروبی اچ پہلی پاک افریقہ ٹریڈ ڈویلپمنٹ کانفرنس معاشی سفارت کاری کانفرنس وی کرائی اے جیندے نال ساݙا بیرونی تجارت دا حجم 7 فیصد ودھیے، معاشی سفارتکاری ساݙی ترجیح اے جیندے کیتے وزارت خارجہ دا اسٹریٹیجک کمیونیکیشن ڈویژن اہم کردار ادا کریندا پئے۔
