کراچی۔28جنوری(اے پی پی)جنوبی افریقہ اپݨی ݙوڄھی اننگ اچ 4وکٹاں دے نقصان تے 187رنز بݨا تے 29 رنز دی وتھی ڳھن ڳھدی اے۔ ایڈن مارکرم 74 اتے راسی وینڈر ڈوسن64 رنز تے آئوٹ تھین۔ اوپنر ڈین ایلگر29 اتے فاف ڈپلیسی صرف 10 رنز بݨائن۔ تریے وکٹاں یاسرشاہ ڳھدن ڄݙاں جو نعمان علی ہک وکٹ ڳھدی۔ کیشیومہاراج اتے کپتان کوئنٹن ڈی کوک باالترتیب 2 رنز اتے صفر تے کریز تے موجود ہین۔ ایں توں پہلے قومی ٹیم 378 رنز تے آئوٹ تھئی۔حسن علی دے 21 رنز تے اوت تھیوݨ دے بعد آخری بیٹسمین یاسر شاہ،نعمان علی نال رل تے چھیکڑی وکٹ دی پارٹنرشپ اچ 55 رنز ودھائن۔ نعمان علی 24 رنز تے آوٹ تھین۔ یاسر شاہ 38 رنز تے ناٹ آئوٹ رہین۔