اسلام آباد۔22جنوری (اے پی پی):وزیر خارجہ مخدوم شاہ محمود قریشی آکھیے جو پاکستان نویں منتخب امریکی قیادت نال نیڑے رابطے ودھاوݨ چاہندے ، امریکہ اتے چین وچال مصالحت دا کردار ادا کرݨ کوں تیار اے ،پاکستان ایجھا کردار 1972 اچ وی ادا کیتا ہئی ، افغان امن عمل دے حوالے نال نویں امریکی قیادت دے نال رل تے کم کرݨ دے خواہشمند ہن۔جمعہ کوں وزیر خارجہ الجزیرہ ٹی وی کوں انٹرویو ݙیندے ہوئیں آکھیے جو پاکستان امریکہ دی نویں منتخب جوبائیڈن انتظامیہ دے نال تعلقات اچ ودھاوݨ کیتے پرامید اے ، نویں منتخب امریکی قیادت نال رابطے ودھاوݨ چاہندے ۔ شاہ محمود قریشی آکھیے جو افغان امن عمل دے حوالے نال میں سمجھداں جو افغانستان اچ جیڑھا موقع میسرآئے ، اینکوں محفوظ بݨاوݨاں چاہیدے ، انہاں آکھیے جو نویں منتخب امریکی انتظامیہ کوں افغانستان اچ جاری عمل مزید اڳوں گھن ونڄݨاں چاہیدے وزیر خارجہ آکھیے جو طویل عرصے بعد اساں سدھے پاسے ٹریوں ،افغان عمل کوں اڳوں ودھاوݨ کیتے ساریاں توانائیاں لاوݨیاں ہوسن ۔آغاز توں ہݨ تئیں جیڑھا کجھ حاصل تھئے اینکوں محفوظ بݨاوݨ تے ایں مقام کوں اڳوں ودھݨاں چاہیدے ،افغانستان اچ تشدد دے واقعات تے اساکوں تشویش اے کیوں جو ایں صورت حال اچ وگاڑ پیدا تھی سڳدے ۔افغانستان اچ امن کیتے پاکستان ودھ کوششاں کیتن ۔ وزیر خارجہ شاہ محمود قریشی آکھیے جو افغان امن عمل کیتے سازگار ماحول دی تشکیل اچ اساں ٻہوں اوکھے مرحلے طے کیتن ۔
