اسلام آباد۔18فروری(اے پی پی)صدر مملکت ڈاکٹر عارف علوی ملک اچ روایتی کھیݙاں دے ودھارے کیتے اقدامات تے زور ݙیندے آکھیے جو کبڈی کوں قومی اتے بین الاقوامی سطح تے مقبول بݨاوݨ کیتے جدید ماڈل اپناوݨ دی لوڑھ اے۔ اے ڳالھ انہاں کبڈی ورلڈ کپ  2020ء دی فاتح  قومی ٹیم نال ملݨ ویلھے آکھی۔ انہاں قومی ٹیم کوں کبڈی ورلڈ کپ 2020ء جیتݨ تے مبارک ݙیندے آکھیا جو قوم کوں تہاݙے تے ماݨ اے، ملک اچ کبڈی جھیں کھیفاں دی ترقی سانڳے،کھلاڑیاں کوں عالمی مقابلوں اچ جیتݨ کیتے ودھ وسائل، کھلاڑیاں دی چنڳی کوچنگ اتے سہولتاں فٰوݨ دی لوڑھ اے۔ صدر مملکت ملک دا مثبت تاثر اجاگر کرݨ تے قومی کبڈی ٹیم دی تعریف کیتی۔ ملاقات اچ وفاقی وزیر برائے بین الصوبائی روابط  ڈاکٹر فہمیدہ مرزا اتے پاکستان  کبڈی فیڈریشن دے عہدیداران وی موجود ہن۔ وفاقی وزیر برائے بین الصوبائی روابط  ڈاکٹر فہمیدہ مرزا آکھیا جو حکومت ملک اچ کھیڈاں دی ترقی کیتے ودھ اقدامات کریندی پئی اے۔ ݙسایا ڳئے جو قومی کبڈی ٹیم دے کپتان محمد عرفان کوں صدارتی تمغہ برائے حسن کارکردگی ݙتا ویسی۔