اسلام آباد۔15فروری(اے پی پی) پاکستان سپر لیگ دی وݙی ٹیم اپݨے کپتان کیتے ہک نواں اتے وݙا اعلان کیتے۔ ملتان سلطانز آکھیے جو پی ایس ایل دے چھیویں ایݙیشن اچ قومی کرکٹ ٹیم دے سٹار بلے باز اتے وکٹ کیپر نائب کپتان محمد رضوان ملتان سلطانز دے کپتان ہوسن۔ ایں ٹیم اچ شاہد آفریدی، شان مسعود اتے سہیل تنویر وی شامل ہین۔ محمد رضوان اے وݙی ذمہ واری ملݨ تے ٹیم سلطانز دی انتظامیہ دا شکریہ ادا کریندے ایں واری ایونٹ دا حقیقی سلطان بݨاوݨ دا عزم دوہرائے۔ محمد رضوان جنوبی افریقہ دے خلاف ٹیسٹ اتے ٹی ٹوئنٹی سیریز اچ شاندار کارکردگی نال مین آف سیریز رہین۔ او ٹی ٹوئنٹی اتے ٹیسٹ اچ سنچری سکور کرݨ آلے پاکستان دے پہلے اتے جڳ دے ݙوڄھے وکٹ کیپر بلے باز ہین۔