ملک اوکھے معاشی حالات توں ٻاھرو نکلیا آندے، آوݨ آلا ویلھا ملک اتے قوم ݙوہیں کیتے خوشخبریاں آلا ہوسی، وزیر خزانہ ڈاکٹر عبدالحفیظ شیخ

اسلام آباد۔28فروری(اے پی پی)وزیر خزانہ ڈاکٹر عبدالحفیظ شیخ آکھیے جو حکومت عوام کوں سستیاں شئیں دی دستیابی سانڳے جامع پالیسی بݨیدی پئی اے، حکومت رمضان المبارک اچ اشیائے ضروریہ تے ودھ سبسڈی ݙیسی تاں جو لوکاں کوں خاص کر روزے داراں کوں سوکھ ملے۔ انہاں آکھیا جو حکومت دیاں ویلھے تے سیاݨیاں پالیساں پاروں ملکی برآمدات ودھدیاں پین، پاکستانی روپے دی قدر وی تکڑی تھیندی پئی اے، ملک اچ صنعتی سرگرمیاں بحال تھی قین، ملکی تعمیراتی شعبے اچ وی تیزی ݙیکھݨ کوں ملدی پئی اے اتے ملک اوکھے معاشی حالات توں ٻاھرو نکلیا آندے، امید اے جو آوݨ آلا ویلھا ملک اتے قوم ݙوہیں کیتے خوشخبریاں آلا ہوسی۔