اقوام متحدہ۔2فروری(اے پی پی)اقوام متحدہ ڈر ظاہر کیتے جو میانمار فوج دے اقتدار اچ آوݨ توں بعد ریاست راخین اچ رہݨ آلے ہزاراں روہنگیا مسلماناں کوں پریشان کن صورتحال دا سامݨاکرݨا پئے سڳدے ۔ برطانوی خبر رساں ادارے موجب اقوام متحدہ دے ترجمان گزریل ݙینھ جاری ہک بیان اچ آکھیے جو ریاست راخین اچ ایں ویلھے تقریباً 6 لکھ روہنگیا مسلمان ہن جنہاں اچوں ہک لکھ 20 ہزار کیمپاں تئیں محدود ہن جو نہ آزاد گھم سڳدن تے انہاں کوں صحت اتے تعلیم دی بنیادی سہولتاں ملݨ ٻہوں اوکھی ؔڳالھ اے تانجو اساکوں ݙر اے جو میانمار اچ فوج دے اقتدار اچ آوݨ توں بعد روہنگیا مسلماناں کیتے صورتحال پریشان کن تھی سڳدی اے۔
