پی ایس ایل 6؛ لاہور قلندرز پشاور زلمی کوں 4 وکٹ توں ہرا ݙتے

کراچی۔21فروری(اے پی پی)نیشنل سٹیڈٰیم کراچی اچ کھیڈیے ڳئے پی ایس ایل 6 دے ہک ہم میچ اچ لاہور قلندرز، پشاور زلمی کوں 4 وکٹاں توں ہرا ڈتے۔ پہلے کھیددے یہوئے پشاور زلمی 20 اووراں اچ 140 رنز بݨائن۔ پشاور زلمی دے بیٹسمین امام الحق اتے حیدر علی صفر تے آؤٹ تھین۔ کامران اکمل 5، شعیب ملک 26، روی بوپارا 50، ردرفورڈ 26 اتے عماد بٹ 23 رنز بݨائن۔

ولدے اچ لاہور قلندرز اے ہدف 6 وکٹاں تے پورا کر ڳھدے۔ فخر زمان 15، سہیل اختر 14، آغا سلمان 21، بین ڈنک 22، سمیت پٹییل 8 رنز بݨائن ڄݙاں جو محمد حفیظ 33 اتے راشد خان 27 رنز نال ناٹ آؤٹ رہین۔ پشاور زلمی دے بالر وہاب ریاض اتے ثاقب محمود 2، 2 اتے منیب الرحمان اتے عماد بٹ ہک ہک وکٹ ڳھدی۔ 3 وکٹاں ڳھنݨ تے لاہور قلندرز دے شاہین شاہ آفریدی کوں مین آ ف دی میچ قرار ڈتا ڳئے۔