ملتان ۔8مارچ  (اے پی پی) نامور گلوکارہ میڈم ثریاملتانیکر آکھیا جو پٹھاݨے خان سرائیکی کافیاں دی مقبولیت اچ جیڑھا کردار ادا کیتے اونکوں کݙاہیں نہ بھلیا ونڄ سڳدا۔ انہاں آپݨی گائیکی نال عظیم صوفی شاعر خواجہ غلام فرید دی فکر کوں عام کیتا۔ اے ڳالھیں انہا نامور لوک گلوکار پٹھاݨے خان دی 21 ویں برسی دے موقع تے اے پی پی نال ڳالھ مہاڑ کریندیں ہوئیں آکھی۔ انہاں آکھیا جو او ایں خطے دی آواز ہن اتے پٹھاݨے خان دی کافیاں سرائیکی زبان تے ثقافت کوں نویں سنڄاݨ ݙتی۔پٹھاݨے خان دی برسی  مارچ کوں منائی ویندی پئی اے۔ پٹھاݨے خان 1920 اچ ضلع مظفرگڑھ دے نواحی علاقہ سنانواں دے ہک قصبہ ”تبووالہ“ اچ جمیے ہن۔