اسلام آباد۔8مارچ (اے پی پی) سپیکر قومی اسمبلی اسد قیصر تریمتیں دے عالمی ݙینھ دے موقع تے پوری قوم کوں مبارخ ڈیندیں ہوئیں آکھیا جو جسمانی معذور تریمتیں کوں معاشرے دا فعال حصہ بݨاوݨ سانڳے دنیا نال رل تے کم کریندے پئن۔ پارلیمنٹ قانون سازی سودھے خصوصی لوکاں دے رستے اچ آوݨ آلی رکاوٹاں دور کرݨ سانڳے آپݨا کردار ادا کریندیاں پئن۔ میں یقین ڈوینداں جو پارلیمنٹ ایں بارے آپݨی ذمہ واریاں پوری کریسی۔ او اتوار کوں پارلیمنٹ ہائوس دے سبزہ زار اچ تریمتیں دے عالمی ݙینھ دے موقع تے جسمانی طور تے معذور تریمتیں دے اعزاز اچ تھیوݨ آلی تقریب نال خطاب کریندے پئے ہن۔ ایں موقع تے سپیکر آکھیا جو جسمانی معذور تریمتیں کوں معاشرے دا فعال حصہ بݨاوݨ سانڳے دنیا نال رل تے کم کریندے پئن۔
