سرائیکی اتے سندھی قوم تاریخی طور ثقافتی، تہذیبی رشتیاں نال جڑیے ہوئن، ڈاکٹر نخبہ تاج لنگاہ

عظیم دانشور اتے سیاسی رہنماءسئیں رسول بخش پلیجو دی قریبی عزیزہ اتے سندھ پورہیت تحریک دی مرکزی جنرل سیکرٹری محترمہ ماروی پلیجو ، اتے محترم شاہ جہان شاہ ولوں پاکستان سرائیکی پارٹی چیئرپرسن ڈاکٹر نخبہ تاج لنگاہ دے اعزاز اچ ظہرانہ ݙتا ڳیا۔ ایں موقع تے ڳالھ مہاڑ کریندیں ہوئیں ڈاکٹر نخبہ تاج لنگاہ ظہرانے دا اہتمام کرݨ تے انہاں دا شکریہ ادا کیتا اتے آکھیا جو سرائیکی اتے سندھی قوم تاریخی طور ثقافتی، تہذیبی رشتیاں نال جڑیے ہوئن اتے ویلھے نال اے رشتے ٻئے مظبوط تھیندے پئن۔ سندھی قوم آپݨا صوبہ جڈانجو سرائیکی آپݨے سانڳے صوبہ سرائیکستان دی جدوجہد کریندے پئن۔ سندھی قوم کوں سرائیکستان سانڳے سرائیکی قوم دے حقوق سانڳے پہلے توں ودھ حمایت دی لوڑھ اے کیونجو ہݨ سرائیکی قوم دی منزل صوبہ سرائیکستان زیادہ پرے کائنی، صوبہ سرائیکستان سرائیکی وسیب دے ہروسݨ آلے دی دل دی آواز بݨ ڳئے۔ ایں موقع تے ڳالھ مہاڑ کریندیں ہوئیں محترمہ ماروی پلیجو انہاں دے وفد دے آوݨ تے انہاں دا شکریہ دا کیتا اتے عزم کیتا جو سندھی قوم ہمیش وانڳوں سرائیکی قوم دی جدوجہد دی سپورٹ کریندی رہسی۔ ایں موقع تے پاکستان سرائیکی پارٹی دے رہنما سید شفقت حسین بخآری۔ ملک غلام عباس ڈاہا۔ اسماعیل بلوچ اتے ٻئے رہنما وی موجود ہن۔