اسلام آباد۔7مارچ (اے پی پی) سپیکر قومی اسمبلی اسد قیصر دا گزریل ڈینھ پارلیمنٹ ہائوس دے سامھے ناخوشگوار واقعے تے افسوس کریندیں ہوئیں آکھیا جو ایجھے واقعات افسوسناک اتے قابل مذمت ہن۔ اتوار کوں آپݨے بیان اچ انہاں آکھیا جو سیاست اچ شائستگی، تحمل، برداشت اتے رواداری دا کلچر اپناوݨا پمسی۔ اراکین پارلیمنٹ منتخب عوامی نمائندے ہن انہاں دی عزت ساریاں تے لازم اے۔ واقعہ دی پوری انکوائری کرائی ویسی۔
