نرسیاں نال سرسبز پاکستان اتے منافع بخش غیر رواتی زراعت دا ودھارا

 

رپورٹ: امتیاز احمد

پاکستان کوں ماحولیات دے منظر نامے تے ماحولیاتی آلودگی، آبی قلت، موسمیاتی تبدیلی عالمی حدت جیھے گھمبر مسئلے ہن۔ اجوکی عالمی ماحولیاتی کارکردگی انڈیکس دے مطابق پاکستان انہاں ملکاں دے فہرست اچ شامل اے جیڑھا جو خراب ایئر کوالٹی معیار توں ݙو چار اے۔ انہاں ماحولیاتی مسئلے دی وڈی وجوہات کاربن دااخراج، ودھدی ہوئی آبادی اتے جنگلاں دی کٹائی اے۔ عالمی ماحولیاتی اداریاں دی تحقیق دے مطابق کہیں وی ملک دے خشک رقبے دا 25فیصد جنگلاں تے مشتممل ہووݨ اتے انسانی زندگی سانڳے ٻہوں ضروری تصور کیتا ویندے۔ 2017 ء دے ورلڈ بینک دے ترقیاتی اعدادوشمار دے مطاباق پاکستان اچ جنگلات 1.9 فیصد رہ ڳئے۔

وزیراعظم عمران خان ملک کوں درپیش ماحولیاتی چیلنجز دا ادراک رکھیندیں ہوئیں کئی موقعیاں تے ایں امر کوں اجر کر چکین جو اساں ماحولیاتی آلودگی سودھے کئی مسئلیاں دا سامݨا اے، ملک دے مستقبل سانڳے ساکوں طویل المدتی منصوبہ بندی کرݨا پمسی۔ ۔وزیراعظم عمران خان   لاہور اچ جیلانی پارک اچ اربن فاریسٹ منصوبے دی اڄوکی افتتاحی تقریب نال خطاب کریندیں ہوئیں آکھیاجو اساں ڈے چھانگامانگا، کندیاں، چیچہ وطنی دیپالپور جیھے جنگل ختم تھی ڳئن کہیں اے نہ سوچیا انہاں جنگلاں دے خاتمے نال کتنے خطرناک نتیجے بݨسن۔ گزریل 12 سالیں اچ لہور دے70 فیصد وݨ مک گئن۔

پارکس اینڈ ہارٹیکلچر اتھارٹی دے ڈائریکٹر جنرل جواد احمد قریشی آکھیا جووزیراعظم اتے وزیراعلیٰ پنجاب دے وژن دے مطابق پی ایچ اے لاہور اچ میا واکی اربن فاریسٹ لاوݨ دا سلسلہ کجھ مہینے توں شروع اے، اے جنگلات منصوبے انداز اچ لاتے ویندن جئیں اچ امرود،انار،جامن جیھے پھلدار وݨ اتے موتیا ،مروا دے پھلاں دے پودے لاتے ویسن اتے ایں نال ہک دلکش فضا بݨدی اے ۔

وزیراعظم دے وژن دے تحت اڄوکی حکومت دا عزم اے جو ماحولاتی آلودگی تے قابو پاوݨ ساںڳے سارے وسائل لاتے ویسن اتے وݨ لا کراہیں جنگلاں دے رقبے وداھایا ونڄے۔ ایں بارے حکومت بلین ٹری سونامی منصوبہ شروع کیتا ہئے۔ شجرکاری مہم دے علاوہ نویں جنگل لاوݨ دے منصوبہ شروع کر ڈتا ڳئے۔ شجرکاری مہم اچ خصوصی طور تے پودیاں دی لوڑھ ہوندی اے اتے نرسریاں دے ٻغیر وڈے پیمانے تے پودیاں دی پیداوار ممکن نی تھی سڳدی۔

نرسریاں سستے اتے معیاری پھلدار، سجاوٹی، پھولدار پودیاں سانڳے اہم زریعہ ہن۔ اے غیر روایتی زراعت کوں ودھیندن جیڑھا جو منافع بخش کاروبار اے۔ پھلا تے ٻئے سجاوٹی پودیاں دی صنعت بنیادی طور تے وݙے شہراں اچ مرکوز اے جنہاں اچ کراچی،حیدرآباد، لاہور، راولپنڈی، اسلام آباد، ملتان، فیصل آباد، کوئٹہ‘ لاہور دے نیڑے پتوکی ( ضلع قصور)، ضلع سرگودھا اچ ساہیوال اتے حیدرآباد اچ نیڑے دی جھیں شامل ہن۔ پنجاب دے شہر پتوکی ایشین برصغیر اچ نرسری فارمز دا مرکز اے جتھاں تقریباٍ 8508 چھوٹے پیمانے تے اتے وڈی پیمانے تے نرسریاں ہن۔

پتوکی  ضلع قصور دا وڈا شہر اے جیڑھا ھو پھلاں دے شہر دے ناں نال جاݨیا ویندے۔ لاہور قصور تے پتوکی دے درجناں دیہات خاص طور تے گلاب دی کاشت کریندن اتے تھاں ساریاں توں ودھ نرسریاں ہن اتے پھلاں دی کاشت چالھی توں پنجاہ فیصد مقامی ٹبراں دی آمدنی دا زریعہ اے۔

‘لاہور ملتان روڈ تے نرسریاں دے پنج کلومیٹر بیلٹ تے مشتمل اے۔ انہاں نرسریاں دی تعداد گھٹ توں گھٹ 186 اے۔ انہاں نرسریاں اچ پودیاں کوں زرعی ماحولاتی حالات اچ ڈھالݨ سانگے گرمیاں دے پودیاں توں سردیاں دے پودیاں اتے ہر قسم دے موسم اتے نسل دے پودے تیار کیتے ویندن۔ اعلیٰ معیار دے پودے چین، ملاشیا، ہالینڈ، امریکہ اتے کجھ یورپی ملکاں اچ برآمد وی کیتے ویندن۔

اے گالھ قابل امر اے جو نرسیاں اچ اگݨ آلی پھول رواتی اتے سجاوٹی پودنہ نہ صرف سوھݨے لگدن جڈانجو ماحول کوں وی سوھݨا بݨیندن ،کئی پودے دی ادویاتی اہمیت وی ہوندی اے۔

پودے اتے باغبانی نال دلچسپی رکھݨ آلے مقامی صارفین ݙسیا جو شہری اتے دیہاتی علاقیاں اچ پودے ،پھلدار اتے پھلدار پودیاں دی بہوں منگ اے جڈانجو مقامی طور تے ودھ نجی نرسیاں موجود ہن جیڑھو جو پودیاں دی مہنگے دام فروخت کریندن اتے ایں سانڳے لوکاں اچ شجر کاری دا رجحان ودھ کائنی۔ سرکاری سطح تے لوکاں سانڳے پودیاں وی لوڑھ تے غور کائنی کیتا ڳیا۔ ہک خریدار عبدالمعز آکھیا جو پودیاں اتے پھلاں نال نہ صرف گھراں دی خوبصورتی ودھدی اے جڈانجو اے ماحول تے وی خوشگوار اثر پیندن حسن علی آکھیا جو شجرکاری نال آوݨ آلی نسلاں سکھی رہسن۔

نرسری دے کاروباربارے لہور دے نٰڑے اچ ہک واقع مقامی نرسری دے مالک توصیف چیمہ ڈسیا جو حکومت ولوں بلین ٹری منصوبہ شروع کرݨ دے بعد مقامی سطح تے بݨینرسریاں اچ پودیاں دی فروخت ودھ ڳئی اے۔ انہاں آکھیا جو لوک نہ صرف آپݨے شوق پاروں گھراں اچ بلکہ شجرکاری سانڳے وی پارکاں روڈز اتے گھراں اچ پودے لیندن۔

مقامی کاشتکار سید افضل حسین ݙسیا جو پاکستان اچ کڈاہیں وی باغبانی کوں منافع بخش صںعت نی سمجھیا ڳیا،اگر نیڑے تیڑے نظرپاتی ونجے تاں ایں چھوٹے کاروبار توں کئی ملک پیسہ کمندے پئن۔ تاں احساس تھیسی جو اے کاروبار کتنا منافع بخش اے۔ ہالینڈ دی معیشت اچ باغبانی دی برآمدات ہک اہم کردار ادا کریندی اے۔ پاکستان اچ اینکوں انڈسٹری نی سمجھیا ویندا۔ انہاں آکھیا جو ایں بارے تحقیق دی لوڑھ اے۔

محکمہ جنگلات دے حکام ݙسیا جو نرسری پروگرام دے تحت سجاوٹی پودیاں دی فروخت برائے نام منافع وصول کیتا ویندے جئیں دا مقصد عام لوکاں اچ آرائشی پودے لاوݨ دے رجحان کوں ودھاوݨ اے۔ سجاوٹی پلانٹ دی نرسری مختلف ضلعیاں دی سطح تے گھٹ توں گھٹ لاگت نال بݨائی ڳئن۔

اگرچہ پاکستان اچ صاف ستھری ماحول دے ودھارے اتے منافع بخش کاروبار سانڳے اتے شعبہ تے زیادہ زور نی ݙتا ڳیا جڈانجو حال اچ ای  پاکستان ہارٹیکلچر ڈویلپمنٹ اینڈ ایکسپورٹ کمپنی (پی ایچ ڈی ای سی) ایں بارے کجھ جھیں تے عملی اقدامات کیتن۔ اے ادارہ عالمی مارکیٹ اچ پاکستان دی باغبانی دی مصنوعات کوں ودھاوݨ سانڳے بݨایا ڳے ۔ادارے دا مقصد سامان تے درآمدتی ڈٰیوٹی اچ گھٹکی، ایئرلائنز اچ کارگو سانڳے مناسب جاہ اتے موزوں کرایہ ،ودھ توں ودھ ماڈل نرسیاں بݨاوݨ، تربیتی مراکز بݨاوݨ، برآمدات دے سانڳے اسٹوریج سودھے انفراسترکچر دی سہولتاں کوں مستحکم کرݨ، نویں منڈیاں گولݨ، سودھے کئی اقدامات کرݨے پمسن تاں ونج کراہیں آلودگی توں پاکستان سرسبز پاکستان دی منزل مل سڳسی۔