اسلام آباد۔8مارچ (اے پی پی) وزیر داخلہ شیخ رشید احمد دا اسلام آباد دے سیکٹر جی۔13 اچ پولیس تے فائرنگ دا نوٹس گھندیں ہوئیں آئی جی اسلام آباد توں تفصیل منڳ ڳھدی اے۔ سنوار کوں وزارت داخلہ توں جاری بیان دے مطابق وزیرداخلہ فائرنگ کرݨ آلے ملزماں کوں جلدی پکڑݨ دی ہدایت کیتی اتے جاں بحق پولیس کانسٹیبل قاسم دی قیمتی جان دے ضیان تے ݙکھ تے افسوس کیتے۔ وزیرداخلہ آکھیا جو زخمی اہلکاراں دی جاناں بچاوݨ سانڳے ہرممکن طبی سہولت ݙتی ونڄے۔ انہاں آکھیا جو ملزم قانون دی پکڑ توں نی بچ سڳدے۔
