اسلام آباد۔3مارچ(اے پی پی)وزیراعظم دے معاون خصوصی ڈاکٹر شہباز گل آکھیے جو سینیٹ انتخابات اچ یوسف رضا گیلانی دی جیت چیلنج کریسوں۔ ہک ٹویٹ اچ انہاں آکھیے جو ہار جیت اتے مسترد ووٹاں اچ 5 ووٹاں دا فرق اے جیکوں چیلنج کیتا ویسی۔ انہاں آکھیا جو تحریک انصاف دی فوزیہ ارشد 13 ووٹاں توں جیتن، ہک بیلٹ پیپر تے ووٹ وکیے، وادھو ووٹ پیسے دے استعمال دا ثبوت ہین، ویڈیو وی ثابت کیتے جو ‘’گیلانی ٹبر’’ ووٹ دی منڈی لائی اے۔
