اسلام آباد۔24اپریل  (اے پی پی) قیصر انور تے محمد یعقوب بابڑ  دی لکھی ہوئی پنجویں جماعت دی سرائیکی دی کتاب سخت مقابلے دے بعد سیکرٹری ایجوکیشن دی بݨائی ہوئی سلیکٹ  کمیٹی منظور کرڳھدی اے ۔ ہنڑ اے کتاب ٹیکسٹ بک بورڈ توں پبلشنگ دے مرحلےطے کر تےانشااللہ دیرہ اسماعیل خان اتے ٹانک جلدی پج ویسی ..  پنجویں جماعت دے بال آپدے کورس اچ مادری زبان دی کتاب پڑھ تے آپدی مادری زبان تے ثقافت کوں جانڑسن ۔واضح راہوے جو ایں توں پہلے قیصر انور تے محمد یعقوب بابڑ  دی تحریر کردہ چار کتاباں  یعنی جماعت اول توں جماعت چہارم دے سلیکشن دے مراحل توں بعد دیرہ اسماعیل خان تے ٹانک دے تعلیمی اداریاں اچ پڑھائی ویندی پئی اے .ڈوہاں مصنفین سرائیکی نصاب دی تدوین تدریج اچ اہم کردار نبھائے ۔ قیصر انور تے محمد یعقوب بابڑ سرائیکی ٹییچر ٹریننگ مینوئل دی تشکیل تے ترتیب ڈیونڑ اچ پیش پیش رہے.خیبرپختونخواہ دی حکومت داد تے مبارخباد باد دی مستحق اے جو  علاقائی زباناں دی ترقی تے ترویج اچ اہم کردار نبھیندی پئی اے ۔