اسلام آباد۔21اپریل  (اے پی پی) ایران دا پاکستان نال تجارت، سرمایہ کاری، رابطے ودھاوݨ اتے سرحدی انتظام اچ ݙو پاسہ تعلقات کوں ٻیا ودھاوݨ دا عزم کیتے۔ وزیر خارجہ مخدوم شاہ محمود قریشی بدھ کوں تہران اچ ایران دے صدر ڈاکٹر حسن روحانی نال ملاقات کیتی۔ ایں موقع تے ایران اچ تعینات پاکستانی سفیر رحیم حیات قریشی وی وزیر خارجہ دے رلے ہن۔ ایں توں پہلے صدارتی محل آوݨ تے وزیر وزیر خارجہ شاہ محمود قریشی دا پرتپاک خیر مقدم کیتا ڳیا۔ ۔وزیر خارجہ صدرِ پاکستان ڈاکٹر عارف علوی اتے وزیراعظم عمران خان ولوں، صدر روحانی اتے برادر ایرانی قوم سانڳے نیک تمناواں اتے خیر سگالی دا سنیھا پڄایا۔ وزیرخارجہ آکھیا جو پاکستانی دی قیادت کشمیری مسلماناں دے نکتہ نظر دی مسلسل حمایت تے ایرانی سپریم لیڈرز دی عزت مآب آیت اللہ سید علی خامنائی اتے صدر روحانی دی حکومت کوں خراج تحسین پیش کریندی اے۔ صدر حسن روحانی ایران ولوں، تجارت، سرمایہ کاری، رابطے ودھاوݨ اتے سرحدی انتظام(باڈر مینجمنٹ ) اچ پاکستان نال ݙو پاسہ تعلقات کوں ٻیا ودھاوݨ دے ایرانی عزم دا اعادہ کیتا۔