اسلام آباد۔22اپریل  (اے پی پی) وزیر خارجہ مخدوم شاہ محمود قریشی آپݨے دورہ ایران دے تریجھے ݙینھ خمیس کوں مشہد پڄ ڳئے۔ مشہد پجݨ تے انہاں دا استقبال ڈپٹی گورنر جنرل  خراسان نبی ہور کیتا۔ ایں موقع تے ایران اچ پاکستانی سفیر رحیم حیات قریشی اتے ٻئے اعلیٰ حکام وی موجود ہن۔ وزیر خارجہ ، مشہد اچ روضہ حضرت امام رضا  تے حاضری ݙیسن۔ وزیر خارجہ مشہد اچ، آستان قدس رضوی دے متولّی، حجۃ الاسلام و المسلمین احمد مروی نال ملاقات کریسن۔ ایں ملاقات اچ تحفظ حرمت رسول صل اللہ علیہ والہ وسلم اتے اتحاد بین المسلمین دی لوڑھ تے ڳالھ مہاڑ کیتی ویسی۔