اسلام آباد۔22اپریل (اے پی پی) ، وزیرِ اعظم عمران خان دی اکنامک ایڈوائزی کونسل کوں ہدایت کیتی اے جو عوام تے ٻیا ٹیکس لاوݨ دی بجائے ریلیف ݙیوݨ سانڳے آئوٹ آف بکس سلوشنز تجویز کیتے ونڄن، معاشی استحکام تے پائیدار گروتھ سانڳے روڈ میپ پیش کیتا ونڄے۔ اے ہدایت وزیراعظم آُپݨی صدارت اچ اکنامک ایڈوائزی کونسل دے اجلاس نال خطاب کریندیں ہوئیں آکھی۔ وزیرِ اعظم ویڈیو لنک دے ذریعے اجلاس اچ شریک تھیے اتے سارے ممبراں کوں اکنامک ایڈوائزری کونسل اچ خوش آمدید کریندیں ہوئیں وزیرخزانہ کوں ہدایت کیتی جو ملکی معیشت بارے اہم معاملات تے تجویز ݙیوݨ آلی ایں کونسل دے پورے فعال تھیوݨ کوں یقینی بݨایا ونڄے۔ وزیرِ اعظم آکھیا جو اکنامک ایڈوائرزی کونسل بݨاوݨ دا مقصد ملکی معیشت کوں پائیدار بنیاداں تے ٹورݨ بارے نامور معاشی ماہرین دی تجویزاں توں فائدہ چاوݨا چاہیدے۔ انہاں آکھیا جو عوام تے ٻیا ٹیکس لاوݨ دی بجائے ریلیف ݙیوݨ سانڳے آئوٹ آف بکس سلوشنز تجویز کیتے ونڄن، معاشی استحکام تے پائیدار گروتھ سانڳے روڈ میپ پیش کیتا ونڄے۔
