ملتان ۔20اپریل (اے پی پی) نشترہسپتال ملتان اچ کورونا وائرس دے ترائیں لہراں اچ 1996 مریضاں دی رپورٹ مثبت آوݨ تے انہاں کوں ہسپتال اچ داخل کیتا ڳیا جنہاں اچوں 569 مریض انتقال کر ڳئن جڈانجو 1228 بندے صحت یاب تھیوݨ دے بعد آپݨی معمول دی زندگی شروع کر ݙتی اے۔ نشترہسپتال کووڈ۔19 وارڈ دے فوکل پرسن ڈاکٹرعرفان اے پی پی کوں ݙسیا جو نشترہسپتال انتظامیہ کورونا وائرس نال نبڑݨ اتے متاثرہ لوکاں کوں بہتر توں بہتر طبعی سہولتاں ݙیوݨ سانڳے پرعزم اے۔ ڈاکٹرعرفان ݙسیا جو گزریل چووی گھنٹیاں اچ 205 مریضاں کوں آندا ڳئے جنہاں اچوں 96 دے ٹیسٹ مثبت اتے 60 دی منفی رپورٹ آئی اے۔
