پاک زمباوے پہلا ٹیسٹ، زمبابوے دی ٹیم پہلی اننگز اچ 176 رنز تے آوٹ، حسن علی اتے شاہین شاہ آفریدی دیاں4،4 وکٹاں

ہرارے۔29اپریل  (اے پی پی):زمبابوے دے شہر ہرارے اچ پاک زمبابوے ٹیسٹ سیریز سانڳے پہلا میچ جاری اے۔ میچ دے پہلے ݙینھ میزبان ٹیم پہلے کھیڈدے ہوئے 176 تے آل آوٹ تھی ڳئی۔ زمبابوے دے کھیݙاڑی پاکستانی بالرز دا ساݨا نئیں کر سڳیے اتے اوندیاں وکٹاں وقفے وقفے نال ڈھاندیاں رہین۔ پاکستان ولوں فاسٹ بالرز حسن علی اتے شاہین شاہ آفریدی 4، 4 وکٹاں ڳھدن، ہک وکٹ لیفٹ آرم سپنر نعمان علی ڳھدی ڄݙاں جو ہک کھیݙاڑی رن آوٹ تھیا۔ پاکستان ولوں 27 سالہ آف سپنر ساجد خان کوں ڈیبیو کرایا ڳئے۔ زمبابوے ولوں 3 کھیݙاڑیاں رے کائیا، شمبے اتے نگاگا کوں ٹیسٹ کیپ ݙٹی ڳئی۔ زمبابوے ولوں ڈیبیو کرݨ آلے بیٹسمین سب توں ودھ 48 رنز سکور کیتن۔ ولدے اچ پاکستان دی بیٹنگ جاری اے۔