اسلام آباد۔7اپریل (اے پی پی):چئیرمین پاکستان سرائیکی عوامی پارٹی سئیں محمد اکبرخاں 6 اپریل دی اہمیت بارے اے پی پی نال گالھ مہاڑ کریندے ہوئےآکھے جو اے ڈیہنہ پوری سرائیکی قوم دا قومی ڈیہنہ اے۔6 اپریل کنوں پہلے پورے وسیب وچ بیشک زبان ہک ھئی۔سنجانڑ ہک کئیناں ھئی۔ساڈی قومی شناخت حصیں بخریں وچ تقسیم ھئی۔کوئی اپ کوں دیرے وال سڈویندا ھا۔کوئی تونسوی سڈویندا ھا۔کوئی اپ کوں جامپوری سڈویندا ھا۔کوئی راجنپوری سڈویندا ھا۔کوئی علی پوری۔مظفر گڑھی۔لیئے وال سڈویندا ھا۔کوئی ملتانی ریاستی تیں بہاولپوری سڈویندا ھا۔جھنگو چڑی۔جانگلی۔پوادھی پچادھی اے ھن ساڈی سنجانڑ دے ناں ۔اساں شھریں ضلعیں۔تحصلیں دے حوالے نال سنجانڑیئے ویندے ھاسے۔اللہ تعالی ہر رل دی قوم وچ کوئی اینجھا لعل پیدا کر ڈیندی اے۔جیندے وچ قوم کوں ہک جا کٹھا کرنڑ قومی یکجہتی، یکسوئی دی صلاحیت موجود ھوندی اے ۔محمد اکبر خاں دا بیا آکھنڑ ہا جوتعا ساڈے سکالر۔ محقق۔دانشور۔ماہر اے لسانیات میر حسان الحیدری سرائیکی ادب اچ نشابر مقام رکھدن ۔آخر کار میر حسان الحیدری دے اھر نال ساڈے وسیب دے سیانڑے سوڈھے لوک جیندے وچ ہکی زبان بولنڑ الے سکالر ۔محقق۔دانشور۔شاعر کٹھے تھیونڑ دی ضرورت کوں محسوس کیتا۔مشترکہ کانفرنس دی کوشش کیتی گئی۔سمرا پبلک ھائی سکول دیرہ اڈہ ملتان دے نال 6 اپریل1962 کو اجلاس سڈیا گیا ۔6اپریل دے اجلاس وچ مخدوم سجاد حسین قریشی ایم۔این۔اے سجادہ نشین دربار غوث بہاولحق زکریا ملتان،ملک محمد اکرم بوسن ایم۔این۔اے ضلع حلقہ ملتان،نوبزادہ غلام قاسم خاں خاکوانی ایم ۔پی۔اے شھری حلقہ ملتان،سردار رحیم بخش خاں سیال ایم پی اے کبیر الا،ملک خدا بخش بچہ وزیر اے زراعت،سردار منظور احمد خاں سیال،ملک رحیم بخش بچہ،سید محمد قسور خاں گردیزی صنعتکار ملتان، نائب صدر نیشنل عوامی پارٹی پاکستان،سردار عبدالرحمن خاں کھتران۔خواجہ عبدالودود،علامہ عبدالرشید نسیم طالوت،محقق دانشور ماہر اے لسانیات سرائیکی۔عربی۔فارسی۔طاہر غنی مشہور داستان ،قصہ گوریڈیو پاکستان ملتان،کیفی جامپوری محقق و دانشور،ریاض انور ایڈوکیٹ،مولانا منظور احمد احقر ہمدرد پرٹنگ پریس ملتان ،نور احمد فریدی،منظور ملک چیف رپورٹر امروز،عاشق حسین حسینی سرائیکی شاعرتےزاکرمیجر مقیم الدین انصاری ملتان،ملک قادر بخش قادری ایڈیٹر ہفت روزہ رہبر دیہات ملتان ، محسن ابن اے محسن میر حسان الحیدری شریک تھئے۔ بہوں وڈی بحث دے بعدمیر حسان الحیدری دے ڈتے ناں سرائیکی تے اتفاق کیتا گیا۔سمرا پبلک ھائی سکول ملتان وچ لوظ سرائیکی دی قرار داد پاس کیتی گئی۔کثرت اے رائے نال میر حسان الحیدری کوں بابا اے سرائیکی دا مستقل اعزاز نال نوازیا گیا۔6 اپریل سن 1962 کنوں گھن تے6 اپریل ساڈا قومی ڈیہنہ اے۔عید دا ڈیہنہ اے۔خشی دا ڈیہنہ اے۔پبلک سومرا ھائی سکول وچ ایں 6 اپریل کوں کٹھے تھیونڑ الے اکابرین ساڈے قومی ہیرو ان۔انہیں دا احترام ساڈے تیں فرض وی ھ۔قرض وی ھ۔ملتانی،اچوی،ریاستی،بہاولپوری، راجنپوری، دیرے وال کنوں ہیں ۔6 اپریل کنوں اساں اے ڈینھ منیندے ہیسے تے ہنڑ اساں مضبوط قوم ہیں۔
