اسلام آباد۔24اپریل  (اے پی پی)  اج ایہا 24 اپریل ھئی۔جڈاں بہاولپور دے فرید گیٹ کوں رتو رت کر ڈتا گیا ھا۔جتھاں خون دی ھولی کھیڈی گئی ھئی۔جتھاں بے گناہ سرائیکیں دا قتل اے عام تھیا ھا۔جتھاں  بے گناہ شہید تھئے تے کئی بے گناہ شدید زخمی تھئے۔ اے گالھ پاکستان سرائیکی عوامی پارٹی دے چئیرمین / اگوانڑ اکبر خاں ملکانڑیں نے اے پی پی کو ڈسائی ۔انھاں دا آکھنڑ ہا جوسرائیکیں دا جرم سرائیکی صوبے دے مطالبے تیں پر امن احتجاجی ریلی پورے بہاولپور ڈوژن وچ احتجاجی کیمپ لائے گئے ہن۔ بہاولپور، احمد پور شرقیہ، لیاقت پور ،خان پور،رحیم یار خاں وچ وی کیمپ لگے ہن۔تمام احتجاجی کیمپاں کوں پٹ اکھاڑ ڈتا گیا۔کیمپیں وچ بہنڑ آلیں کوں گرفتار کرگھدا گیا ہا۔غالیبن مرحوم سرکار مرید حسین خاں راز جتوئی کوں وی خان پور کیمپ توں گرفتار کیتا گیا ھا۔ایویں بہاولپور شہیدیں دی لسٹ وچ پہلا ناں حافظ شفیق دا ھا۔اے غالبن سن 1971 دی اے گال اے۔اوں ویلھے ایں بدقسمت ملک دا صدر جنرل محمد یحی خاں ہا۔ایں کیتے اے 24 اپریل تاریخ دا سیاہ تے کالا  ڈینھ  اے جیکوں قوم پرستیں آپڑیں رت نال لکھئے ۔اکبر ملکانڑیں دا بیا آکھنڑ ہا جوسرائیکی صوبے دی ہک پرامن  تحریک ھئی۔۔ 25 اپریل کوں اوں فرید گیٹ دے اگو جتھاں ہک ڈیہنہ پہلے ایندی سازش نال شھادتاں تھیاں ہن۔قوم پرست تڈے تیں بیٹھے ہن۔پھڑی وچھائی بیٹھے ہن۔مکانڑیں ہن۔مکانڑاں جھلیندے بیٹھے ہن۔ایں اے  وی نہیں ڈٹھا کل اتھاں فرید گیٹ تیں میڈی وجہ نال ہک نویں کربلا بپا تھی اے۔اے اتھاں اپڑیں بھنگڑیں۔دول دمامیں سمیت جشن منانونڑ ایا کھڑا ھا۔او وی صرف ایں گالھوں اے محکوم مظلوم قوم سر چیندی پئی اے۔آنونڑ والے وقت وچ مستقبل وچ اے بالا دست طبقیں واسطے مسئلہ بنڑسی۔وطن دا مطالبہ کریسن۔جغرافیعے دا سوال اٹھیسن۔ساڈے ملک پنجاب کوں تقسیم کرنڑ دی گال کریسن۔پنجاب تیں انڈیا وچ رکھ ایوں اوں۔پرائی بھوئیں تیں ڈڈھپ دا قبضہ اے۔جیندا ناں پنجاب اے۔کشف المحجوب وچ پڑھدے کھڑے ہن۔بلکہ پڑھی کھڑے ہن۔قبضے دے ٹائم داتا گنج بخش انہیں کوں ہٹکیندا رہ گئے۔روکیندا رہ گئے۔نہ دوزخ خرید کرو۔نہ ظلم کروجڈاں ظلم زمین تیں تھیندا ھ۔تڈاں عرش دے کنگرے ہلدے ہن۔کیوں جو داتا گنج بخش اپڑیں کتاب کشف المحجوب وچ پہلے اکھ چکا ھا۔لاھور یکے از مضافات ملتان است۔اے او بدبخت ان۔اللہ دے پٹیے ان۔جنہیں داتے صاحب دی نا فرمانی کیتی اے۔داتا صاحب دا اکھنڑ وی نہیں منیا۔بحرحال اے ھ۔سن 1971   ۔24 اپریل دا حال۔۔او کیڑھا ڈیہنہ اے وسیب وچ جڈاں ایندے ظلم دیاں خبراں نہ ایاں ھونون سوال  اج ایں 24 اپریل دا اے۔عظیم قوماں اپڑیں برے بھلے ڈیہنہ نہیں بھلدیاں۔ یقینن 24 اپریل وی کالے ڈیہنہ دے حوالے نال توھاڈے ھاں تیں نقش ھوسی۔ تساں یقینا ضرور منایا ھوسی۔رونڑیں شکل وی بنڑائی ھوسی۔کالیاں پٹیاں بائیں تے وی ضرور بدھیاں ھوسن۔اخباریں وچ آپڑیں غم تے غصے دا وی ضرور اظہار کیتا ھوسی۔کتھائیں نہ کتھائیں ریلیاں وی کڈھیاں ھوسن۔پریس کلب دے اگو وی ضرور گئے ھوسو۔اج دے ڈیہنہ دی افادیت دا آپدے گھریں وچ آپدےبالیں کوں وی لازمی ڈسیا ھوسی۔ جےاساں ساریں ایویں کیتے۔ شہید صرف اے ڈہدے پئے ھوسن۔ساڈے نال پوری سرائیکی قوم اچ کئیں کئیں اظہار اے یکجہتی کیتے۔کئیں کتنا خراج پیش کیتے۔کیا ساڈی قوم ساکوں بھل تیں نہیں گئی۔ساڈی اے جیڈی وڈی قربانی ضائع تاں نی  تھئی۔ ایڈوں ڈوجھے پاسو تمام یزیدی سوچ رکھنڑ آلے چیمے۔قریشی۔مخدوم۔گیلانی۔ فانی۔کھر۔کھوسے۔لغاری۔مزاری وی ساڈے اج دے عمل کوں انتہائی باریک بینی نال ڈہدے پئے ھوسن۔اےجیڈے وڈے واقعے تیں  محکوم مظلوم قوم دا کیا رد اے عمل اے۔ جے اساں اج دےایں ڈینھ دی سنگینی کوں محسوس نہ کیتا تے ونجا چھوڑیا ۔میڈے خیال وچ اساں قوم سڈیچنڑ دے کوئی حقدار نسے۔اساں اپڑیں نسلیں دے  آپ مجرم ہیں۔دھکے ساڈے نصیب دا حصہ نئیں۔محرومی۔محکومی ۔محرومیاں سارے اپڑیں ونڑج وپار ان۔