لاہور۔3مئی(اے پی پی)‏وزیر اعلیٰ پنجاب سردار عثمان خان بزدار آکھیے جو کرپشن کرݨ آلیاں کیتے پنجاب اچ کوئی ڄاہ کائنی، سرکاری احکامات التواء اچ سٹݨ آلیاں کوں عہدے اچ راہݨ دا کوئی حق کائنی۔ اے ڳالھ انہاں صوبائی وزرا ء اتے اراکین قومی وصوبائی اسمبلی نال ملݨ ویلھے آکھی۔ ملݨ آوݨ آلیان اچ صوبائی وزیر انسانی حقوق و اقلیتی امور اعجاز عالم، صوبائی وزیر توانائی محمد اختر ملک، ایم این اے سردار محمد خان لغاری، اراکین پنجاب اسمبلی مہندر پال سنگھ، سلیم اختر اتے غلام علی اصغر شامل ہن۔ انہاں آکھیا جو پچھلے دور اچ نمائشی منصوبے شروع کر تے قومی خزانہ لٹایا ڳئے اتے ولکاں نال وانڄھ ورتیا ڳئے بھل ساݙی حکومت غلط ریتاں آن مکائن اتے شوبازی دی سیاست دفنائی اے۔