اسلام آباد۔5 مئی(اے پی پی)وفاقی وزیرخزانہ ومحصولات شوکت ترین آکھیے جو استحکام توں ودھوتری دو ونڄݨ حکومت دی معاشی سوچ اے، ملک اچ ہیٹلی سطح توں ودھوتری عمل شروع کرݨ دی منصوبہ بندی کر ڳھدی اے، ٹریکل ڈاؤن دا تصور ناکام ثابت تھئے، وزیراعظم اتے حکومت مہانڳ ڳھت کرݨ چاہندن، قیمتاں اچ استحکام ترجیح اے، خصوصی صنعتی زونز اچ آؤٹ سورس صنعتاں کیتے چین توں فیدہ چاتا ویسی۔ اسلام آباد اچ پریس کانفرنس کریندے انہاں اکھیا جو سرکاری کاروباری اداریاں دی منیجمنٹ کوں حکومت توں نجی شعبہ دے ماہرین دو منتقل کیتا ویسی، پاکستان آئی ایم ایف پروگرام توں نئیں نکلیا، آئی ایم ایف کوں آکھیے جو ٹیرف اتے ٹیکساں دی شرح اچ یکدم اضافہ دی گنجائش کائنی۔ پریس کانفرنس اچ معاون خصوصی برائے محصولات ڈاکٹر وقار مسعود اتے سیکرٹری خزانہ وی نال ہن۔ انہاں آکھیا جو حکومت جیڑھے حالات اچ آئی ایم ایف کولو ڳئی اے او اصلوں دوستانہ کائنا ہن، آئی ایم ایف دیاں شرطاں دا سیاسی نقصان تھی سڳدا ہا بھل حکومت آئی ایم ایف پروگرام دے مطابق اقدامات کیتن اتے معیشت استحکام دو آندی پئی اے۔ کرونا اچ حکومت 1240 ارب روپے توںو دھ دا مالیاتی امدادی پیکج جاری کیتے جیندا ایکوں کریڈٹ ملݨا چاہیدے جئیں انسانی زندگی اتے کاروبار دے تحفظ کیتے اقدامات کیتن۔
