حدیبیہ پیپر ملز کیس سارے مقدمیاں دی ما اے، شہبازشریف کوں نسے ونڄݨ ݙے سڳدے، مشیر داخلہ و احتساب شہزاد اکبر

APP25-120521 ISLAMABAD: May 12 – Minister for Interior, Sheikh Rashid Ahmed and Adviser to Prime Minister on Accountability, Barrister Shahzad Akbar addressing a Press Conference after attending meeting of the sub-committee of the Cabinet on ECL. APP

اسلام آباد۔12مئی(اے پی پی) وزیراعظم دے مشیر برائے احتساب اتے داخلہ بیرسٹر شہزاد اکبر آکھیے جو حدیبیہ پیپر ملز کیس سارے مقدمیاں دی ما اے، قانون دے مطابق اے کیس ولا کھولیا ونج سڳدے جیندے کئی نویں شواہد موجود ہین،، شہبازشریف کوں نسے ونڄݨ ݙے سڳدے۔ اے ڳالھ انہاں اسلام آباد اچ وزیر داخلہ شیخ رشید احمد دے کٹھے ہک پریس کانفرنس اچ آکھی۔ وزیر اعظم دے مشیر برائے احتساب و داخلہ بیریسٹر شہزاد اکبر آکھیے جو شریف دے خلاف رمضان شوگر ملز، چوہدری شوگر ملز سودھا احتساب عدالت لاہور اچ منی لانڈرنگ دے مقدمات چلدے پی، انہاں دے ٻاھرو ونڄݨ نال اے کیسز التوا دا شکار تھی ویسن، ملزمان دا مقدمہ وی متاثر تھیسی تہوں انہاں کوں ونڄݨ نسے ݙے سڳدے۔انہاں آکھیا جو حدیبیہ پیپر ملز دا کیس حالی غیر حل شدہ اے، قانون بند کیس نویں شواہد تے ولا کھولݨ دی اجازت ݙیندے، مسلم لیگ ن کوں حدیبیہ پیپر ملز توں بریت آکھݨ درست نئیں، اے سارے مقدمیاں دی ما اے اتے حقیات اچ اے مکیا نئیں۔ انہاں آکھیا جو شریف خاندان 1990 اچ قاضی خاندان دے ناں تے منی لانڈرنگ کیتی جیندے تے اسحاق ڈار بیان حلفی وی ݙتا ہوئے، حکومت فیصلہ کیتے جو حدیبیہ پیپر ملز کیس ولا کھولیا ونڄے جیندا کھرا ٹی ٹیز توں ملدے۔