حکومت پائیدار معیشت دے قیام اتے انٹرپرینیورز کوں سازگار کاروباری ماحول ݙیوݨ کیتے کم کریندی پئی اے، صدر مملکت ڈاکٹر عارف علوی دی ایوانِ صنعت و تجارت لاہور دے  وفد نال ڳالھ مہاڑ

اسلام آباد۔5 مئی(اے پی پی)صدر مملکت ڈاکٹر عارف علوی آکھیے جو حکومت پائیدار معیشت دے قیام اتے انٹرپرینیورز کوں سازگار کاروباری ماحول ݙیوݨ کیتے کم کریندی پئی اے، اے ڳالھ انہاں ایوانِ صنعت و تجارت لاہور دے صدر میاں طارق مصباح الرحمن دی اڳواݨی اچ ہک وفد نال ملݨ ویلھے کیتی۔ وفد انہاں کوں کاروباری برادری دے مسلے ݙسائے اتے حل دیاں تجویزاں ݙتن۔ صدر مملکت یقین ݙیوایا جو کاروباری برادری کوں ہر سکھ ݙتا ویسی، حکومت منصفانہ کاروباری ماحول اتے پائیدار معیشت سانڳے کاروباری اتے معاشرے دے کمزور طبقات کیتے کم کریندی پئی اے، ایں سانڳے 1.2 کھرب دا تاریخی پیکیج ݙتے۔ حکومت دیاں کاروبار دوست پالیسیاں پاروں پاکستان دی کاروباری عالمی درجہ بندی چنڳی تھئی اے۔