سعودی عرب پاکستان کوں” سعودی ڈویلپمنٹ فنڈ توں 500 ملین ڈالر ݙیسی، وزیر خارجہ شاہ محمود قریشی

جدہ۔8مئی(اے پی پی)وزیر خارجہ مخدوم شاہ محمود قریشی آکھیے جو وزیر اعظم عمران خان دی ولی عہد شہزادہ محمد بن سلمان نال خوشگوار ملاقات تھئی اے جیندے اچ کابینہ ارکان وی موجود ہن۔ میں وی سعودی وزیر خارجہ شہزادہ فیصل بن فرحان آل سعود نال ملیاں۔ وزیر اعظم عمران خان اتے ولی عہد شہزادہ محمد بن سلمان ہک مفاہمتی یادداشت تے دستخط کیتن جیندے نال ݙو طرفہ اعلیٰ سطح کوآرڈینیشن کونسل بݨائی ویسی ڄݙاں جو سعودی عرب پاکستان کوں” سعودی ڈویلپمنٹ فنڈ توں 500 ملین ڈالر ݙیسی، سعودی عرب کوں آندے ݙاہ سال 10 ملین، افرادی قوت دی لوڑھ ہوسی جیندا وݙا حصہ پاکستانی ہوسن۔ اے ڳالھ انہاں جدہ اچ دورہ دے حوالے نال میݙیا بریفنگ اچ آکھی۔ انہاں آکھیے جو پرتپاک دورے نال ݙوہاں ملکاں وچال آوݨ آلے ݙینھان اچ روشن مستقبل اتے تعلقات دی جھلک ݙسدی پئی اے، ساݙی سعودی قیادت نال ڳالھ مہار مثبت رہی اے، کئی معاہدے وی تھین، وفود دی سطح تے مذاکرات دے بعد ہک سمال گروپ ملاقات وی تھئی اے جیندے اچ وزیر اعظم عمران خان، آرمی چیف اتے میں موجود ہم، اساں افغان امن عمل سودھا خطے دی صورتحال تے تفصیلی الائے۔ سعودی عرب پاک سعودی اعلیٰ سطح کوآرڈینیشن کونسل دا قیام نال ادارہ جاتی سطح تے ہک “سٹرکچرڈ انگیجمنٹ پلان” بݨایا ڳئے، سعودی شاہ ساکوں سعودی عرب دے “وژن” ݙسائے جیڑھا روزگار سانڳے پاکستانیاں کتیے ہک وݙی خبر اے۔ قیدیاں دے تبادلے اتے جرائم روکݨ کیتے معاہدے تے دستخط پائے جن پر وزیر داخلہ شیخ رشید کیتن۔ اساں او آئی سی اتے ایندے آندے پلان تے وی الائے۔