جدہ۔8مئی(اے پی پی) وزیر خارجہ مخدوم شاہ محمود قریشی آکھیے جو سعودی ولی عہد شہزادہ محمد بن سلمان اتے سعودی وزیر خارجہ دورہ پاکستان دی دعوت قبول کر ڳھدی اے۔ اے ڳالھ انہاں جدہ اچ دورہ دے حوالے نال میݙیا بریفنگ اچ آکھی۔ انہاں آکھیے جو وزیر اعظم عمران خان سعودی ولی عہد شہزادہ محمد بن سلمان کوں دورہ پاکستان دی دعوت ݙتی اے جیڑھی انہاں شکریے نال قبول کر ڳھدی اے۔ میں وی اپݨے سعودی ہم منصب شہزادہ فیصل بن فرحان آل سعود کوں پاکستان آوݨ دی دعوت ݙتی اے جیڑھی انہاں من ڳھدی اے، عید دے بعد ولی عہد شہزادہ محمد بن سلمان اتے سعودی وزیر خارجہ دے دورہ پاکستان دا طریقہ کار طے کرݨ کیتے سعودی افسران دا وفد پاکستان آسی۔
