فیصل آباد۔9مئی(اے پی پی)وزیر مملکت اطلاعات و نشریات فرخ حبیب آکھیے جو شریف فیملی سودھا قوم دا پیسہ لٹݨ آلے ہر جݨے توں لٹی مݙی ولا ڳھدی ویسی، شریف فیملی اے بھل ونڄے جو شہباز دے علاج کیتے کوئی نرمی ݙکھائی ویسی، شریف فیملی دے ڈاکٹراں کوں علاج کیتے اتے اولاد کوں کرپشن دے حساب کیتے پاکستان ڳھن آوݨا پوسی، ن لیگ کوں چیلنج اے جو او کرپشن دا ہک کیس ݙساون جیندے اچ او باعزت بری تھئے ہوون، ضمانت دا مطلب کیس مکݨ نئیں ہوندا۔ اے ڳالھ انہاں سرکٹ ہائوس فیصل آباد اچ پریس کانفرنس کریندے آکھی، شریف برادران کوں لندن اݙھائیں یاد آندے ڄݙاں انہاں دا اقتدار مک ویندے، ملک اچ انہاں دی کرپشن بے نقاب تھی چکی اے۔ انہاں آکھیا جو عمران خان کرپٹ نظام اتے چوراں دے خلاف ہین، نوازشریف وی مفرور اے اتے ہݨ اوندا ضامن وی بھڄݨ چاہندے، شریف خاندان دی کرپشن ‘ٹی ٹیز اتے جعلی اکائونٹس دی جان شہباز شریف اچ اے، انصاف دا نظام مفلوج نہ تھیوݨ ݙیسوں، لوک چاہندن جئیں جئیں وی ملک لٹیے اوندا اھتساب تھیوے۔
