اسلام آباد۔6مئی(اے پی پی)صدر مملکت ڈاکٹر عارف علوی بھارتی قید اچ فوت تھیوݨ آلے حریت رہنما محمد اشرف صحرائی دی فوتگی تے افسوس کریندے آکھیے جو مرحوم کشمیر دے حق خود ارادیت کیتے ٻہوں قربانیان ݙتن۔ ہک پرچاوݨی اچ انہاں آکھیا جو بھارت حریت قیادت کوں قید کر تے آزادی دے جذبے کوں دٻا نئیں سڳدا۔ بھارت دی ریاستی دہشت گردی اتے ظالمانہ ہتھکنڈیاں دے خلاف انہاں دی جدوجہد یاد رکھی ویسی، بھارت حریت قیادت اتے بے گناہ کشمیریاں کوں فوری رہا کرے۔
