اسلام آباد۔9مئی (اے پی پی)وزیر خارجہ شاہ محمود قریشی مسجد اقصی اچ رمضان المبارک دی 27 ویں رات کوں عبادت ویلھے اسرائیلی فوج دے حملے دی مذمت کریندے آکھیے جو نمازیاں تے تشدد، فلسطینیاں کوں گھراں جائیداداں توں زبردستی بیدخل کرݨ دا کوئی اخلاقی، سیاسی جواز کائنی، انسانیت دے علمبردار نوٹس ڳھنن۔ نجی تی وی چینل نال الیندے انہاں آکھیا جو پاکستان فلسطینیاں نال کھڑے اتے انہاں دے حقوق دا علمبردار اے، عرب لیگ، او آئی سی اتے امت مسلمہ کوں ہک مٹھ تھی تے آواز چاوݨی ہوسی، عرب لیگ دا ہنگامی اجلاس سݙݨ ویلھے دی لوڑھ اے، انسانی حقوق دے علمبردار مغربی ممالک اتے ہیومن رائٹس کونسل تیکھے ایں صورتحال دا نوٹس ڳھنے۔ انہام اطمینان کیتے جو معاملے تے عرب لیگ اجلاس سڳیے، کٹھے تھی تے عرب لیگ ، او آئی سی اتے مسلم امہ کوں ایندے تے الاوݨا چاہیدے جو اے چنڳی ڳالھ نئیں، ساکوں مسلماناں اچ نفرت کھنݙاوݨ آلیاں سازشاں دا توڑ کرݨا ہوسی تاں جو مسلماناں اچ اتحاد ودھے۔
