اسلام آباد۔4مئی(اے پی پی):وفاقی وزیر منصوبہ بندی، ترقی ، اصلاحات و خصوصی اقدامات اتے نیشنل کمانڈ اینڈ آپریشن سینٹر دے سربراہ اسد عمر آکھیے جو فوج دی تعیناتی اتے ٻعے حکومتی اقدامات پاروں کورونا توں بچݨ کیتے ایس او پیز تے عملدرآمد اچ بہتری آئی اے۔ ہک ٹویٹ اچ انہاں آکھیے جو قومی سطح تے ایس او پیز تے عملدرآمد دی شرح 25 اپریل کوں 34 فیصد ہئی جیڑھی 3 مئی کوں ودھ تے 68 فیصد تھی ڳئی اے۔ انہاں ایس او پیز دی تعمیل تے تفصیلات وی جاری کیتن۔ انہاں آکھیا جو 3 مئی تئیں ایس او پیز تے عملدرآمد سب توں ودھ 88 فیصد وفاق اچ تھئے ڄݙاں جو سب توں ڳھٹ سندھ اچ 45 فیصد رہہے۔ پنجاب اچ 69، کے پی 66 اتے بلوچستان اچ 63 فیصد اتے آزاد کشمیر اچ 82 اتے گلگت بلتستان اچ 62 فیصد تھئے۔
