قبضہ مافیا  دے خلاف کارروائی جاری رکھیسوں، ہݨ تئیں 27 ارب روپے دی 21  ہزار  ایکڑ  سرکاری اراضی واگزار کرائی اے، وزیراعظم عمران خان

اسلام آباد۔11مئی(اے پی پی)وزیراعظم عمران خان آکھیے جو حکومت مافیاز اتے طاقتور  طبقے دے خلاف  لڑدی پئی اے، قبضہ مافیا  دے خلاف کارروائی جاری رکھیسوں، ہݨ تئیں 27 ارب روپے دی 21  ہزار  ایکڑ  سرکاری اراضی واگزار کرائی اے۔۔ اے ڳالھ انہاں ٹی وی تے” ‏آپ کا وزیر اعظم،آپ کے ساتھ “پروگرام اچ براہ راست عوام دے سوالاں دا ولدا ݙیندے آکھی۔ وزیراعظم آکھیا جو پچھلے ادوار اچ وزرا اتے بااثر لوک سرکاری زمیناں تے ناجائز قبضہ  کریندے رہین بھل اڄوکی حکومت قبضہ مافیا دے خلاف سخت  کارروائیاں کریندی پئی اے، قبضہ مافیا کوں کہیں سورت نہ بخشیا ویسی۔